სასარგებლო სიკვდილი
21 ოქტომბერი, 2009
1693
print

სამეფო რბოლათა მხცოვანი იმპრესარიო ბერნი ეკლსტოუნი, რომელსაც საკუთარი განცხადებებით არაერთხელ უხერხულ მდგომარეობაში ჩაუყენებია ფორმულა 1-ის სამყარო და ხშირ შემთხვევაში საკუთარი თავიც, თავისას არ იშლის და ავტოსპორტის სამყაროს ძველებური შემართებით შოკში აგდებს. თურმე ნუ იტყვით და, აირტონ სენას სიკვდილმა ფორმულა 1-ს არგო.

არცთუ ისე დიდი ხნის წინათ ბერნი ეკლსტოუნმა, რომელსაც 28 ოქტომბერს 80 წელი უსრულდება, ადოლფ ჰიტლერი “კარგ პოლიტიკოსად” მოიხსენია და ყველაფრის გამგონე ყვითელი პრესაც კი სახტად დატოვა. ბუნებრივია, ჰიტლერის მისამართით მსგავს განცხადებას ეკლსტოუნისადმი შესაბამისი რეაქცია მოჰყვა. ასეთი გაკვეთილის შემდეგ ინგლისელი ბიზნესმენი, რომელიც დღეს FOM (Formula One Management)-ისა და FOA (Formula 1 Administration)-ს პრეზიდენტი და, საერთოდ, ფორმულა 1-ის ხელმძღვანელია (საფეხბურთო კლუბ “ქუინზ პარკ რეინჯერსის” თანამფლობელიცაა. რედ.) უწინდელივით ახმოვანებს საკუთარ არაორაზროვან შეხედულებებს.

რამდენიმე საერთაშორისო გამოცემა იტყობინება, რომ ბერნი ეკლსტოუნმა თავს უფლება მისცა, სამგზის მსოფლიო ჩემპიონის, ბრაზილიელი აირტონ სენას მისამართით არცთუ სასიამოვნო სიტყვები ეთქვაო.

გასულ უქმეებზე, როდესაც სან პაულუ სამეფო რბოლათა მორიგ ეტაპს მასპინძლობდა, ეკლსტოუნი აირტონ სენას დას ვივიენს და მის შვილს ბრუნოს შეხვდა. ამის შემდეგ ბრიტანელმა თქვა ის, რამაც ყველა გააოგნა - სენას სიკვდილმა ფორმულა 1-ს არგოო.

“მას არ გაუმართლა, მაგრამ მისმა სიკვდილმა საყოველთაო ყურადღება მიიპყრო, რამაც, საბოლოოდ, სამეფო რბოლებს არგო, - ამბობს ეკლსტოუნი, - აირტონის დაკარგვა, რა თქმა უნდა, სამწუხაროა, მაგრამ მომხდარს ვეღარ შევცვლით. ის უდიდესი პოპულარობით სარგებლობდა, მაგრამ მისმა სიკვდილმა იმ ადამიანების ყურადღებაც მიიპყრო, ვისაც მანამდე ფორმულა 1 არ აინტერესებდა”.


სხვა სიახლეები
17 სექტემბერი, 2015 Invitation to Participate in theSales Procedures Announced by the Embassy of the Republic of France in Georgia on the Sale of 3933 sq/m Land Plot Located in the Center of Tbilisi
17 მარტი, 2010 მეტი სტიმული მოძრავი ცხოვრებისათვის
06 ნოემბერი, 2009 მილიონები და ტიტულები
16 ოქტომბერი, 2009 შსს სრული სვლით
13 ოქტომბერი, 2009 უბრალო დამთხვევა თუ…
23 სექტემბერი, 2009 ქართველები ვერ გვახარებენ
22 სექტემბერი, 2009 მორიგი წარუმატებელი დღე
09 სექტემბერი, 2009 ტრადიციული, თუმცა ახალი