ცუკერბერგი ”ფეისბუქისთვის” ხელოვნურ ინტელექტს ამუშავებს
02 ივლისი, 2015
1176
print

გიგა გურასაშვილი 

Facebook-ის დამაარსებელი მარკ ცუკერბერგი ფიქრობს, რომ ადრე თუ გვიან, გამოიგონებენ ტექნოლოგიას, რომლის წყალობითაც ადამიანიდან ადამიანზე აზრისა თუ ფიქრის სრულყოფილად გადაცემა იქნება შესაძლებელი.

”ნებისმიერ რამეზე შეგიძლიათ იფიქროთ, თქვენი მეგობრები კი მას უმალ გაიზიარებენ, თუ, რა თქმა უნდა, თავად ისურვებთ ამას”, - საკუთარ გვერდზე მომხმარებლებთან კითხვა-პასუხის ონლაინ რეჟიმში მომავალს ჭვრეტს ცუკერბერგი. მისი თქმით, ეს იქნება საკომუნიკაციო ტექნოლოგიათა განვითარების ყველაზე დაწინაურებული სტადია. ამასთან, აღნიშნავს, რომ ინფორმაციათა გაცვლის შესაძლებლობები უფრო მდიდრდება, რომ ადამიანებს ნებისმიერ დროს, ნებისმიერი ადგილიდან მობილური მოწყობილობის დახმარებით მეტი და მეტი შესაძლებლობები ეძლევათ ერთმანეთთან დასაკავშირებლად, საურთიერთობოდ.

გარდა ამისა, ცუკერბერგმა კომპანიაში ხელოვნური ინტელექტის სფეროში მიმდინარე კვლევებთან დაკავშირებითაც ისაუბრა. მისი თქმით, მათი მიზანია, რომ Facebook-ს ესმოდეს ის თუ რაზე ამახვილებენ ყურადღებას მომხმარებლები, რითი საზრდოობენ. მაგალითად, თუ მომხმარებელი მეგობართან ერთად გადაღებულ ფოტოს აქვეყნებს, ქსელმა ეს ისე უნდა უზრუნველყოს, რომ მისმა მეგობარმაც ნახოს კონკრეტული ფოტო. თუ ადამიანი ძაღლთან ერთად საკუთარ ფოტოს აქვეყნებს, მაშინ ”ფეისბუქმა” მას ძაღლების სხვა მოყვარულების მოძებნის შესაძლებლობა უნდა მისცეს. სწორედ ამ მიზნით სოციალური ქსელისთვის უნდა შეიქმნას ხელოვნური ინტელექტის სისტემა, რომელიც თავის მხრივ ადამიანზე უკეთ აღიქვამს და გაანალიზებს ინფორმაციას.

მაშ ასე, ვიზუალური შემადგენლობასთან მუშაობისთვის მუშავდება სისტემები, რომლებსაც შეეძლებათ ფოტოზე და ვიდეოზე არსებული ნაირგვარი საგნების განსხვავება და მისი შინაარსის განსაზღვრა, რომელშიც გამოიყენებენ კონკრეტულ ფოტოს თუ ვიდეოჩანაწერს.

მარკ ცუკერბერგი პირობას დებს, რომ ბევრ სხვა საინტერესოს და მათთან დაკავშირებულ სამუშაოებს უახლოეს მომავალში წარმოადგენს. მიიჩნევს, რომ მთლიანობაში რაც ”უფრო ჭკვიანი” სერვისები იქნება, ის მით უფრო სასარგებლო იქნება მომხმარებლისთვისო.

”ფეისბუქის” დამაარსებელთან ონლაინ კონფერენციაში მონაწილეთა შორის აღმოჩნდნენ ცნობილი ბრიტანელი ფიზიკოს-თეორეტიკოსი სტივენ ჰოუკინგი და ჰოლივუდის ვარსკვლავი არნოლდ შვარცენეგერიც. ამასთან, ყველაზე პოპულარულები სწორედ მათი შეტყობინებები აღმოჩნდა - ყველაზე მეტი ”ლაიქი” დააგროვეს.

მაგალითად, ჰოუკინგმა ცუკერბერგს ჰკითხა, მეცნიერების სფეროდან რა ფუნდამენტური საკითხები აინტერესებს. FB-ის გენერალურმა დირექტორმა უპასუხა, რომ ყველაზე მეტად ყველაფერი ის აინტერესებს, რაც ადამიანებთანაა დაკავშირებული: მარადიულად ცხოვრების შესაძლებლობა, ავადმყოფობებისგან განკურნება, როგორ მუშაობს ტვინი, როგორ უნდა დავეხმაროთ ადამიანებს მილიონჯერ მეტი ინფორმაციის აღქმაში...

არნოლდ შვაირცენეგერი ცუკერბერგის სპორტული გატაცებებით დაინტერესდა. ”ფეისბუქის” დამაარსებელმა აღნიშნა, რომ სპორტულ დარბაზში ვარჯიშისთვის კვირაში სამ დღეს იცლის და რომ შეძლებისდაგვარად ცდილობს გაასეირნოს თავისი ძაღლი.

giga gurasashvili
სხვა სიახლეები
15 თებერვალი 18:04 ქარის ენერგიით ჰოლანდიურ ლიანდაგებზე
13 სექტემბერი, 2016 ხელოვნური ინტელექტი რასიზმსა და ნეონაცისტურ შეხედულებებში დაადანაშაულეს
09 მარტი, 2016 ხელოვნური ინტელექტი ადამიანზე უპირატესობას გოს თამაშში ავლენს
25 თებერვალი, 2016 ნასამ მთვარეზე დაჭერილ უჩვეულო ხმებს ფარდა ახადა
10 თებერვალი, 2016 აშშ–ის საპრეზიდენტო მარათონს ახალი კანდიდატი ჰყავს – სუპერკომპიუტერი
08 თებერვალი, 2016 არამიწიერ ცივილიზაციათა დუმილი
02 თებერვალი, 2016 ილონ მასკის მარსზე გაფრენის გეგმა ნასას უსწრებს
27 იანვარი, 2016 კოსმოსურმა ნაგავმა შესაძლოა პოლიტიკური კრიზისი წარმოშვას
15 დეკემბერი, 2015 მასკისთვის მარსისკენ მიმავალ გზაზე დამაბრკოლებელი გარემოება მესამე მსოფლიო ომის შესაძლო დაწყებაშია
02 დეკემბერი, 2015 მარკ ცუკერბერგი "ფეისბუქის" აქციათა 99 პროცენტს ქველმოქმედებას მოახმარს