ლებრონი მოდის. კევინ ლავიც
22 ივლისი, 2014
16982
print

იესპიენმა ახალი სეზონის დაწყებამდე საუკეთესო გუნდად ”სან ანტონიო” დაასახელა. ლოგიკურია. მოქმედი ჩემპიონი ჯერ ვინმემ უნდა შეცვალოს. და რეალურად, ”სან ანტონიო” პირველია. ჩემპიონებმა მშვიდად შეინარჩუნეს შემადგენლობა და არავინ არ დაუმატებიათ. გრეგ პოპოვიჩი რაღაც მომენტში დაუკავშირდა პო გასოლს, მაგრამ ეს უფრო ინერციით მოხდა. გრეგი უსაქმურობით დაიღალა და გრეგმა პო ”ჩიკაგოში” გაატარა. მისტერ პოპოვიჩმა დაიტოვა ბორის დიაო, ტიმი, პატი მილსი და სულ ბოლოში, თვითონ გააფორმა ხელშეკრულება ”სან ანტონიოსთან”.

და ლებრონ ჯეიმსი ”კლივლენდში” იქოქება. ლებრონი ძველ ტერიტორიაზე ახალ გუნდთან ერთად შედის და ლებრონი ჯერ ვერ ჩამოყალიბდა, რა უნდა.

ჯეიმსი ხან ენდრიუ უიგინსის მომავალზე საუბრობს და კლივლენდში ეს მოსწონთ. უიგინსი პოზიციით ლებრონია, მაგრამ ჯეიმსი ტრანსფორმერია და უიგინსს არ შეუზღუდავენ.

ჯეიმსი ხან კევინ ლავს უგზავნის ტექსტურ შეტყობინებას და კლივლენდში ეპატიჟება. და ამ ესემესით იფარება უიგინსის პერსპექტივა კლივლენდში. ”მინესოტას” ლავში უიგინსი და ენტონი ბენეტი უნდა.

”კლივლენდმა” მიიღო ლებრონი და კლივლენდმა მიიღო დევიდ ბლატი. რომელიც ამერიკაში ევროტურის შემდეგ ჩადის და მისტერ ბლატი იქ, ევროპაში ლეგენდაა. ლეგენდა იყო. მისტერ ბლატი ”კლივლენდში” ახალგაზრდა გუნდისთვის გამოცდილების მისაცემად ჩადის და მისტერ ბლატს იქ ლებრონი აჩუქეს. ეს ცხოვრება მოულოდნელობებით არის სავსე.

ჯეიმსიც მოვა აზრზე, დაივიწყებს ბოლო ფინალში მიღებულ ტრავმას და დაიწყებს ახალ წრეს.  ახალ გუნდთან ერთად. სადაც არ იქნებიან კრის ბოში და დუეინ უეიდი. სადაც დაბრუნდა მაიკ მილერი და თუ ”კავალიერსი” ლავს დაიმატებს, უკვე საინტერესო იქნება. ლავის გარეშე ”კლივლენდი” აღმოსავლეთის ფინალში გასვლის კანდიდატია. ლავთან ერთად ”კლივლენდი” სუპერფინალში გასვლის კანდიდატია.

და ვინ დარჩა მოგებული მთელი ამ ამბების შემდეგ?

”სან ანტონიო სპერსი”, რომელსაც არავინ არ დაუმატებია. ხანდახან, ყველაზე მნიშვნელოვანია, უბრალოდ, არავინ არ დაიმატო.

ლებრონმა ეს იცის.

ზურა თალაკვაძე

zura talakvadze
სხვა სიახლეები
23 მარტი 12:33 კახი კახიაშვილი ევროპის ჩემპიონატის წინ
22 მარტი 08:22 ერთი დღე აკადემიაში
22 მარტი 07:45 ირაკლი თურმანიძე ევროპის ჩემპიონატის წინ
13 მარტი 21:20 გადაცემა 5/5: მწვრთნელებმა საუკეთესოები დაასახელეს
13 მარტი 09:58 ბოულინგის მედიატურნირი სოციალური მხარდაჭერით
03 მარტი 22:01 ზამთრის უნივერსიადა 2017
21 თებერვალი 20:05 განათლების, სპორტის და ახალგაზრდულ საქმეთა საქალაქო სამსახურმა ორწლიანი ციკლი შეაჯამა
15 თებერვალი 22:36 ძალოსნობა. თბილისის ღია პირველობა. ბოლო დღე
14 თებერვალი 21:58 ძალოსნობა. თბილისის ღია პირველობა. II დღე
13 თებერვალი 22:50 ძალოსნობა. თბილისის ღია პირველობა. I დღე